მეტი ინფორმაციისათვის ეწვიეთ ბმულს:
https://www.thermofisher.com/onelambda/wo/en/pre-transplant/hla-typing/alltype-ngs.html
მულტიპლექსური NGS-გენოტიპირება
ჩვენ მიერ შემოთავაზებული AllType™ სადიაგნოსტიკო ნაკრები გთავაზობთ შემდეგი თაობის სექვენირებისთვის საჭირო რეაქტივების სრულ შემადგენლობას, რომელიც უზრუნველყოფს ერთ სინჯარაში I და II კლასის თერთმეტივე ლოკუსის ამფლიპიკაციას, რაც მთლიანად აშორებს ამპლიკონის ხელოვნურად გაერთიანების (pooling) საჭიროებას. ნიმუშები გადაეცემა უშუალოდ ბიბლიოთეკას და მზადაა სექვენირებისათვის ერთ სამუშაო დღეში. სექვენირების მონაცემთა ანალიზი და ალელური თანმიმდევრობებისთვის კუთვნილების მინიჭების პროცესი ავტომატურად ხორციელდება და გენერირდება TypeStream™ ვიზუალური NGS ანალიზის პროგრამული უზრუნველყოფის მიერ. საბოლოო შედეგები მიიღება სამ დღეზე ნაკლებ დროში.
აღწერა
მიმოხილვა (0)
მსგავსი პროდუქტები
2 x 96-ფოსოიანი ProFlex™ პჯრ-სისტემა
კატალოგის ნომერი: 4484076
ProFlex™ 2x96- ფოსოიანი პჯრ სისტემა უახლესია Applied Biosystems - ის თერმოციკლერებს შორის.
ProFlex™ სისტემა Applied Biosystems®-ის სხვა აპარატურის მსგავსად, იძლევა სანდო მონაცემებს, მოქნილ კონფიგურაციას და ექსპერიმენტის მართვის შესაძლებლობებს, რომლებიც იდეალურად შეესაბამება ჩვენი კვლევის საჭიროებებს.
ProFlex™ 2x96-ფოსოიანი პჯრ სისტემა საშუალებას გვაძლევს:
-საჭიროების შემთხვევაში 2x96-ფოსოიანი 0.2 მლ ბლოკის სხვა ტიპის ბლოკით ჩანაცვლების შესაძლებლობა;
-სისტემასთან დისტანციური წვდომა მობილურის აპლიკაციის საშუალებით;
-ინსტრუმენტის პროგრამირების შესაძლებლობა წამებში, მრტივად გამოყენებადი სენსორული ეკრანით;
-ძველ თერმოციკლერზე არსებული პროტოკოლის გამოყენების შესაძლებლობა.
96-ფოსოიანი თერმოციკლერი Veriti™
კატალოგის ნომერი: 4375786
Applied Biosystems® Veriti® 96-ფოსოიანი თერმოციკლერი Applied Biosystems® ის სხვა აპარატურის მსგავსად იძლევა სანდო მონაცემებს.
VeriFlex™ ტექნოლოგიის დამატებითი კონტროლის საშუალებით, მიიღება 6 დამოუკიდებელი ტემპერატურული ბლოკი, რაც უზრუნველყოფს ზედმიწევნით სიზუსტეს და პჯრ-რეაქციის ოპტიმიზაციას. ამავდროულად, ფერადი სენსორული ეკრანი ამარტივებს რეაქციის დადგმის და თერმოციკლერის გამოყენების პროცესს. სწრაფი და სტანდარტული პჯრ რეაქციის არჩევის ფუნქცია საშუალებას გვაძლევს შევამციროთ პჯრ-რეაქციის ციკლირების დრო.
Veriti® 96-ფოსოიანი თერმოციკლერი აღჭურვილია სტანდარტული 0.2 მლ-იანი ბლოკით. ინოვაციური VeriFlex™ ბლოკები პჯრ-ის ოპტიმიზაციის და 6 დამოუკიდებელი ექსპერიმენტის გაშვების საშუალებას გვაძლევს.
Veriti™ - ძირითადი მახასიათებლები:
VeriFlex™ ბლოკები - Veriti® 96-ფოსოიანი თერმოციკლერის ინოვაციური VeriFlex™ ბლოკები აუმჯობესებს პჯრ-ის წარმადობას.
6 განცალკევებული ბლოკის საშუალებით გაზრდილია აპარატის შესაძლებლობები, რაც გამოიხატება 2 ძირითად უპირატესობაში:
- პჯრ-ის ოპტიმიზაცია: თითოეული ბლოკის სპეციფიკური ტემპერატურა იდეალურია და პჯრ-ის ოპტიმიზაციისა და ზუსტი კონტროლისთვის.
- მეტი რეაქციის გაშვების შესაძლებლობა: 6 ბლოკის საშუალებით შესაძლოა განხორციელდეს 6 სხვადასხვა ანელინგის ტემპერატურის მქონე ნიმუშის ამპლიფიკაცია ერთ რანში.
QuantStudio™ 5 პჯრ სისტემა რეალურ დროში
კატალოგის ნომერი: A34321 (0.2 ml)
Applied Biosystems-ის QuantStudio 5 პჯრ სისტემა ადამიანის იდენტიფიკაციისთვის, წარმოადგენს პჯრ-რეალურ დროში აპარატურის უახლეს მოდელს.
აპარატი შექმნილია როგორც დამწყები, ასევე გამოცდილი მომხმარებლისთვის, ვისაც ჭირდება მარტივი, სანდო და ხელმისაწვდომი პჯრ სისტემა რეალურ დროში.
Applied Biosystems-ის დახვეწილი რაოდენობრივი ანალიზის რეაგენტები და შედეგების ანალიზის პროგრამა გვთავაზობს ამოცანების სენსიტიური და ეფექტური გადაჭრის გზებს სასამართლო ექსპერტიზისა და დნმ-ანალიზის საჭიროების სხვა შემთხვევებში.
მარტივი, ინტუიტიური სენსორული ეკრანი საშუალებას იძლევა თვალყური ვადევნოთ ამპლიფიკაციის მრუდებს.
შიდა მეხსიერება 10 GB, 2,000–5,000 რეაქციის შენახვის საშუალებას იძლევა;
Applied Biosystems-ის QuantStudio 5 პჯრ სისტემა ადამიანის იდენტიფიკაციისთვის, წარმოადგენს პჯრ-რეალურ დროში აპარატურის უახლეს მოდელს.
აპარატი შექმნილია როგორც დამწყები, ასევე გამოცდილი მომხმარებლისთვის, ვისაც ჭირდება მარტივი, სანდო და ხელმისაწვდომი პჯრ სისტემა რეალურ დროში.
Applied Biosystems-ის დახვეწილი რაოდენობრივი ანალიზის რეაგენტები და შედეგების ანალიზის პროგრამა გვთავაზობს ამოცანების სენსიტიური და ეფექტური გადაჭრის გზებს სასამართლო ექსპერტიზისა და დნმ-ანალიზის საჭიროების სხვა შემთხვევებში.
მარტივი, ინტუიტიური სენსორული ეკრანი საშუალებას იძლევა თვალყური ვადევნოთ ამპლიფიკაციის მრუდებს.
შიდა მეხსიერება 10 GB, 2,000–5,000 რეაქციის შენახვის საშუალებას იძლევა; 
QuantStudio™ 7 Flex პჯრ სისტემა რეალურ დროში
კატალოგის ნომერი: 4485693 (Fast - 96-ფოსოიანი)
Applied Biosystems® -ის QuantStudio™ 7 Flex პჯრ სისტემა რეალურ დროში, აუმჯობესებს პჯრ ექსპერიმენტების ჩატარების შესაძლებლობებს ჩვენთვის სასურველი ბლოკის შერჩევისა და ექსპერიმენტების ოპტიმალურად დაგეგმვის გზით.
პროტოკოლის მარტივი მიმდინარეობით, ინტუიტიური პროგრამით და სენსორული ეკრანით, QuantStudio™ 7 Flex სისტემა გვთავაზობს მაღალ პროდუქტიულობას მისაღებ ფასად.
ადამიანის გენოტიპირება, ფარმაკოგენომიკა და მიკრობიომების კვლევა მიკროჩიპების გამოყენებით
Axiom - გენოტიპირების სისტემა არის პლატფორმა დიდი მასშტაბის გენოტიპირების კვლევებისთვის და ხასიათდება მთელი რიგი უპირატესობებით, მათ შორის:
სამედიცინო კვლევები მაღალი სიზუსტით
ფართო სპექტრის შესაძლებლობების მქონე, პოპულაციურ კვლევებზე ორიენტირებული ტესტ-სისტემა ხასიათდება მაქსიმალური სიზუსტით სამედიცინო მნიშვნელობის კვლევებისას; მასშტაბურ გენომურ კვლევებზე გათვლილი სისტემა მოიცავს კლინიკურად ინფორმატიულ მარკერებს; გენეტიკასა და დაავადებათა განვითარებას შორის კავშირის დადგენის შესაძლებლობა.
თერმოციკლერი SimpliAmp™
კატალოგის ნომერი: A24811
აღწერა:
თერმოციკლერი SimpliAmp™ არის მცირე ზომის, ადვილად გამოსაყენებელი თერმოციკლერი, რომელიც ერგება ნებისმიერი ლაბორატორიის მოთხოვნებს, პჯრ მეთოდით რუტინული მუშაობისთვის.
აპარატი მაქსიმალურად ამართლებს მომხმარებლის მოლოდინს, როგორც ნებისმიერი Applied Biosystem - ის ინსტრუმენტი.
SimpliAmp ელეგანტურ დიზაინთან ერთად, აღჭურვილია ინოვაციური თერმული სახურავით და დიდი ზომის LCD ფერადი სენსორული ეკრანით.
ძირითადი მახასიათებლები და უპირატესობები:
VeriFlex™ ბლოკი რეაქციის ტემპერატურის მაღალი სიზუსტით ოპტიმიზაციისთვის - VeriFlex ბლოკები გვთავაზობს 3 დამოუკიდებელ ტემპერატურულ ზონას, რაც პოლიმერაზული ჯაჭვური რეაქციის ტემპერატურის მაქსიმალური კონტროლის საშუალებას ქმნის.
8-ინჩიანი სენსორული ეკრანი გვეხმარება დროის დაზოგვაში, ამარტივებს აპარატზე ოპერირებას ადვილად წაკითხვადი ინტერფეისით.
WiFi-ის დაკავშირების შესაძლებლობა დისტანციური მართვისთვის - აპარატის მოხერხებული მონიტორინგის შესაძლებლობა ნებისმიერი ადგილიდან, მობილურის უფასო აპლიკაციით.
სახურავის მარტივი დიზაინი თქვენი ნიმუშების დასაცავად - ინოვაციური თერმული სახურავი წარმოადგენს მარტივად გამოსაყენებელ მოწყობილობას, რომელიც ნიმუშების დაცვას უზრუვნელყოფს. სახურავის ავტომატური გახსნის ფუნქცია, როდესაც არ არის სწორად დახურული, უზრუნველყოფს ნიმუშების დაცვას და რეაქციის უნაკლო მიმდინარეობას.
მონაცემთა მარტივი მართვა -USB პორტთან დაკავშრებით შეგვიძლია ჩვენი მონაცემების კოპირება და მათი შემდგომი გამოყენება.
თერმული პროტოკოლის მოდელირების შესაძლებლობა - თერმული პროტოკოლების ბიბლიოთეკა საშუალებას გვაძლებს გავუშვათ ექსპერიმენტი ძველი პროტოკოლის მიხედვით, რომელიც უკვე გამოვიყენეთ ამავე ან სხვა ინსტუმენტზე.
პოლიმერაზული ჯაჭვური რეაქციის (პჯრ) მეთოდი
რა არის პოლიმერაზული ჯაჭვური რეაქციის (პჯრ) მეთოდი?
პოლიმერაზული ჯაჭვური რეაქცია (პჯრ/PCR) წარმოადგენს მეთოდს, რომლის საშუალებით ნუკლეინის მჟავის სპეციფიკური მონაკვეთის მილიონობით ასლის მიღება არის შესაძლებელი, რაც სამიზნის დეტექციის საშუალებას იძლევა თუნდაც მისი უმცირესი კონცენტრაციისას საკვლევ ნიმუშში.
მეთოდი შემუშავდა 1983 წელს Kary Mullis-ის მიერ, რისთვისაც მან ნობელის პრემია დაიმსახურა ქიმიის დარგში. მეთოდის შემქნიდან დღემდე პჯრ ფართოდ გამოიყენება მრავალ სამედიცინო და სამეცნიერო დისციპლინაში, მათ შორის მოლეკულური დიაგნოსტიკის, მიკრობიოლოგიის, გენეტიკის, კლინიკური დიაგნოსტიკის, სასამართლო ექსპერტიზის, გარემოს დაცვითი მეცნიერებების, მემკვიდრეობითი კვლევებისას და მშობლის იდენტიფიკაციისთვის.
მეთოდის სახელი გამომდინარეობს დნმ-ის რეპლიკაციისთვის აუცილებელი კომპონენტის, ფერმენტი დნმ-პოლიმერაზას სახელწოდებიდან. აღნიშნული ფერმენტი არსებობს ბუნებაში. ყველაზე გავრცელებულ პოლიმერაზას Taq-პოლიმერაზა წარმოადგენს, რომელიც მიიღება ბაქტერიიდან Thermus aquaticus. ფერმენტის მოქმედებისთვის ოპტიმალური ტემპერატურა დაახლოებით 70oC-ია. ფერმენტი ახდენს დნმ-ის ახალი ჯაჭვის სინთეზს დნმ-მატრიცაზე, დნმ-ის ოლიგო-ნუკლეოტიდების (პრაიმერების) გამოყენებით. პრაიმერები წარმოადგენს სინთეზურ ნუკლეოტიდური თანმიმდევრობებს, რომლებიც კომპლემენტურია უშუალოდ სამიზნე დნმ-ის ბოლოებისა.
მოლეკულური ბიოლოგიის მეთოდების უახლესი მიღწევების და განვითარების ფონზე, შეიძლება ითქვას, რევოლუცია განიცადა ორგანიზმთა პათოგენური მოკროორგანიზმების, ვირუსების დეტექციისა და დახასიათების, გენეტიკური ცვლილებების კლინიკური დიაგნოსტიკის მიდგომებმა. აღნიშნულმა რევოლუციურმა ცვლილებამ გარდა ვირუსოლოგიისა, მიკოლოგიისა, და პარაზიტოლოგიისა, გავლენა იქონია სტომატოლოგიის, ჰემატოლოგიის, ონკოლოგიის, პერინატოლოგიის და მედიცინის სხვა მარავალი დარგის სადიაგნოსტიკო მიდგომების დახვეწასა და სიზუსტეზე.
პოლიმერაზული ჯაჭვური რეაქცია (პჯრ) უნაკლო მეთოდია პათოგენების სწრაფი დეტექციისთვის, რაც განსაკუთრებით მნიშვნელობას იძენს ისეთ ინფექციურ აგენტებთან მიმართერბაში, რომელთა იდენტიფიცირება საჭიროებს კულტივირებას ტრადიციული მიკრობიოლოგიური მიდგომით, რაც ხშირად პრობლემას წარმოადგენს, ან მოითხოვს დიდ დროს საბოლოო დიაგნოზის მისაღებად.
რეალურ დროში პჯრ-ის განვითარებამ, თვისობრივთან ერთად რაოდენობრივი და გენოტიპირების მონაცემების გენერაციის შესაძლებლობით, აღნიშნული მეთოდი კიდევ უფრო ინფორმატიული გახადა.
პჯრ ფართოდ გამოიყენება კლინიკური ნიმუშების ანალიზისთვის, ისეთი ინფექციური აგენტების დეტექციისთვის, როგორიცაა HIV, ჰეპატიტები, ადამიანის პაპილომა ვირუსი, ეპშტეინ ბარის ვირუსი, მალარიის და ჯილეხის გამომწვევი პათოგენები. პჯრ-ს განსაკუთრებული მნიშვნელობა აქვს HIV -ის ადრეული დეტექციისთვის, ვინაიდან ვირუსის დნმ-ის დეტექცია შესაძლებელია ორგანიზმის ინფიცირებისთანავე, განსხვავებით იმუნოლოგიური მეთოდებისგან, რომელთა საშუალებით ანტისხეულების დეტექცია შესაძელებლია ინფიცირებიდან კვირების და თვეების გასვლის შემდეგ. პჯრ შესაძლოა ასევე გამოყენებულ იქნას, ვირუსული ინფექციის სიმძიმის შესაფასებლად, რასაც დიაგნოსტიკისა და პროგნოზისთვის უდიდესი მნიშვნელობა გააჩნია.
მალარიის ტრადიციული დიაგნოსტიკა ხორციელდება მალარიის პლაზმოდიუმის (Plasmodium falcipurum) დეტექციით, სისხლის მიკროსკოპიული გამოკვლევით. აღნიშნულ შემთხვევაში პჯრ-ის საშუალებით შესაძლებელია დადგინდეს არა მარტო არსებობა, არამედ განისაზღვროს მისი გენოტიპი და შეირჩეს პრეპარატი, რომლის მეშვეობითაც შესაძლებელი იქნება დაავადების ეფექტური მკურნალობა. ინფექციური აგენტის ტიპის დადგენა განსაკუთრებით მნიშვნელოვანია შერეული ინფექციებისას.
სიმსივნის კლინიკურ დიაგნოსტიკაში პჯრ მეთოდი იძლევა მეტად მნიშვნელოვან ინფორმაციას პაციენტების პროგნოზისა და მათი რეზისტენტობის შესახებ თერაპიის ამა თუ იმ ტიპის მიმართ. სიმსვნეთა მრავალი ტიპი ხასიათდება წერტილოვანი მუტაციებით სხვადასხვა გენში, რომელთა იდენტიფიკაცია შესაძლებელია აღნიშნული მეთოდით. მაგალითად, ლეიკემიების განვითარების მიზეზი ძირითადად ქრომოსომული უბნების ტრანსლოკაციებია, რომლის შედეგადაც უჯრედები უკონტროლოდ იწყებენ პროლიფერაციას და ითრგუნება მათი გენეტიკურად პროგრამირებული სიკვდილი (აპოპტოზი). დაავადების დიაგნოსტირებისთვის ხშირად ტარდება ციტოგენეტიკური კვლევა ფილადელფიური ქრომოსომის გამოსაკვლევად. თუმცა აღსანიშნავია, რომ დაავადების საწყის ეტაპზე ფილადელფიურ ქრომოსომას ბევრი უჯრედი არ შეიცავს, რის გამოც მისი იდენტიფიცირება განვითარების ადრეულ სტადიაზე შეუძლებელია. ლეიკემიების გამოვლენა მათი განვითარების ადრეულ სტადიებზე შესაძლებელია პოლიმერაზული ჯაჭვური რეაქციით.
აღსანიშნავია პჯრ მეთოდის გამოყენება გენეტიკური დაავადებების დიაგნოსტიკისთვის, როგორიცაა ცისტური ფიბროზი, თრომბოფილიები, ნამგლისებურ უჯრედოვანი ანემია, ფენიკლკეტონურია, კუნთოვანი დისტროფიები. ამავე მეთოდით შესაძლებელია ნაყოფის სქესის და მისი რეზუს (Rh) სტატუსის დადგენა ორსულობის მე-10 კვირაზე.
პჯრ მეთოდი გამოიყენება როგორც კაპილარული ელექტროფორეზის, ასევე შემდეგი თაობის სევქნირების ნიმუშების მომზადების ეტაპებზე.
პჯრ მეთოდის პრინციპი - ექსტრაქციის ეტაპი
ანალიზის განხორციელების პირველ ეტაპზე საჭიროა დნმ-ის (ან რნმ-ის) გამოყოფა ნიმუშიდან, რისთვისაც შემოთავაზებულია მზა ნაკრებები ნუკლეინის მჟავების ექსტრაქციისთვის. ექსტაქციის ეტაპი მოიცავს რამოდენიმე საფეხურს: ნიმუშში (ქსოვილი, შრატი, სისხლი, შარდი, ნაცხი და ა.შ.) არსებული ცილების ლიზისი, მათი მოცილება გამრეცხი ბუფერების საშუალებით, სუფთა ნუკლეინის მჟავების მიღება ელუციის ეტაპზე.
პოლიმერაზული ჯაჭვური რეაქციის ლაბორატორია მოიცავს სამ დამოუკიდებელ ზონას:
1.ნიმუშების დასამუშავებელი და ნუკლეინის მჟავების საექსტრაქციო არე;
2.პრე-პჯრ: მასტერიმიქსის და ნიმუშების შესარევი არე;
3.პოლიმერაზული ჯაჭვური რეაქციის ოთახი.
თითოეული ზონა კონტამინაციის თავიდან ასაცილებლად აღჭურვილი უნდა იყოს UV ნათურით.
მიმოხილვა
მიმოხილვები ჯერ არ არის.